“Luyag Ko”

Dëngël mo'y linawak natan, asinggër ka,

Ag mo iitda'y pasën so ërmën ëd sa iyan bilay,

Say tibukël na anos ët ag naipara ëd balëg a liwawa,

Aral mo so duga a bangat tan ipatalos so antam a salita.

Malapu'd dalin mon inkiyanakan,

Birbir mo pa so sibëg tan sëkdër ya dalan,

Pinablin dayëw a lanang a nailaloan,

Say panaglikas ët saksakëy ag nëpëg piyabalian.

Siyak a mangibabaki para'd saray linawa na karaklan,

Pangabëmbën ëd balëy, panangaro'd Pangasinan,

Aya so tudtuan pampapasabi, untan so duga a pangigagayak,

Lakap mon maong so pinanlapuan, ag mo kumon ititilak.

Luyag kon napnoy santing tan yaman,

Kulaan aya aga nalingoanan,

Inaro kan parok a saksakëy,

Aroën tan pabliën ka a anggad ipatëy.