𝗧𝗶 𝗠𝗮𝘂𝗱𝗶 𝗮 𝗕𝗮𝗹𝗶𝗸𝗮𝘀

Adda maysa a balay

nga idi ket napno iti ar-aramid ti sao,

ti "innak,"

ti "umayka man,"

ti napigsa a panangawis ni lolo,

ken ti naalumamay a panangawag ni lola iti ngaran dagiti annak.

Tatta, nagulimek.

Nagbalin a ganggannaet ti bukod a dila,

iti balay a nangpadakkel kadatayo.

Dagiti ubbing, naadalda ti adu a pagsasao,

ngem iti Ilokano, kasla bassit a silaw

nga in-inut a maidem.

Ngem adda pay laeng ni lola.

Isu ti agsao iti Ilokano

uray no Ingles wenno Filipino ti sungbat.

Kasla ammona a saan laeng a balikas

ti kayatna a ipatpateg,

nudiket ti ramut

nga agtengngel iti tunggal pamilia.

Ken adda met ni lolo,

nga iti tunggal saritana,

marikna ti bangir ti talon,

ti angin iti bantay,

ken ti dakkel nga ayat

iti daga a nangpadakkel kenkuana.

Awan libro a makaisurat

iti init ti timekda.

Awan ti teknolohiya

a makasukat iti kinaimbag

ti "Umay ka mangan, apo."

Ket isu a no agulimek ida,

asino ti agtultuloy nga agibaga

kadagiti daan a balikas?

Asino ti mangipateg

iti sao a nangisangsangbay kadatayo

idi immuna a nagbiagtayo?

Saan kuma a mapukaw ti Ilokano

gapu laeng ta nalipatan.

Ta tunggal sao a di mabigkas,

kasla bulong a natinnag,

in-inut a mairaman iti daga ken malipatan.

Isu nga ibagam manen.

Ibukbokmo ti sao a naibatay iti pusom.

Isuro iti ubbing,

denggen dagiti lallakay,

ipateg dagiti balikas a naibatay iti puso.

Ta no agbibiag ti Ilokano,

agbibiag met dagiti lolo ken lola

iti tunggal istoria a maulit-ulit.

Ken uray no agbaliw ti lubong,

adda latta koma maysa nga ubing

nga agriing iti bigat,

denggenna ti timek ti lolo ken lola na,

ket simmungbat a nagtaud iti puso

"Wen, Lola... Addaak ditoy.”